Burasoen nahikeria eta Herriko Etxearen sostenguari esker, Baigura ikastola sortu da Lekornen

Argitaratua: oraintxe

70. hamardakaz geroztik ez zitzaion Seaskari gertatu urte berean bi ikastola berri zabaldu izana. Aurtengo sartzeak, ordea, Lekorneko Baigura ikastola eta Itsasuko Arrokagarai ikastolen idekitzea ekarri du. Burasoen nahikeria eta herriko hautetsien sostenguari esker, Seaskaren 28. eta 29. ikastolak, hurrenez hurren, ateak zabaldu dituzte. Lekorneko Baigura ikastolan ikasturteari begira dituen erronkak marraztu ditu Seaskak.

Oskorri taldeak urruñarrak dantza egitera gomitatzen ditu

Argitaratua: 1 ordu eta 36 minutu

Larunbat huntan abiatuko dira Urruñako bestak. Horren karietara, Oskorri taldearen kantaldia iraganen da, arratseko 22.0etarik goiti, frontoian. Kontzertu horretan, Bizkaiko taldearen kanta ezagunenak entzuteko parada izanen da. Hortaz gain, «Erreboluzio Frantsesean galdutako dantza zahar birsortzeko lana burutu du taldeak. Hots, Natxo de Feliperen taldeak helburu zehatza badu asteburu huntan: Urruñako jendea dantzarazi nahi du.

Erretreta erreformaren aurkako mobilizazio eguna deitu dute irailaren 7an

Argitaratua: 6 ordu eta 44 minutu

Jubilazio erreforma hilaren bukaeran frantses legebiltzarrean bozkatzekotan direla-eta, sindikatuek mobilizazio egun «indartsu» batera deitu dute ondoko irailaren 7an Baionan. «Erreforma horrek egungo oreka ekonomiko eta soziala arriskuan jartzen du. Aurkako mobilizazioa jendetsua izan behar du», goraipatu dute sindikatuek. UNSA, CFDT, CGT, FO, FSU, Solidaires eta CFTC sindikatuak bateraturik izango dira Baionako karriketan ondoko asteartean, eta, joan den ekainaren 24an bilduriko 12 000 lagunen kopurua errepikatzea nahi zutela esan zuten. LAB sindikatuak ere greba deialdiarekin bat egin du.

Abertzaleen Batasunak gobernuaren jokabide xenofoboaren kontrako elkarteratzera deitu du

Argitaratua: 3 ordu eta 56 minutu

Rom eta bidai jendearen estigmatizazioarekin hasi zen Sarkozyren gobernuaren jokabide xenofoboak mobilizazio egun baten antolakuntza sortu du. Baionan elkartaratzea eginen da larunbatean goizeko hamaiketan herriko etxearen aintzinean. 50 elkarte, partidu eta sindikatuk egin dute mobilizaziorako lehen deialdia eta Abertzaleen Batasunak bat egin du konbokatoriarekin.

Dantza Hirian eskeintzen duen festibalaz gain hiru master class ere antolatu ditu

Argitaratua: 6 ordu eta 37 minutu

Lapurdi eta Gipuzkoa artean egiten den Dantza Hirian festibala irailaren 16 eta 26aren artean iraganen da. Bi lurraldeetako zortzi herritan eginen dira dantza emanaldiak eta hiru master class eskeiniko dira urririk irailaren 18, 25 eta 26an. Lehena Donostian eginen da eta azkena Errenterian. Irailaren 25ean Malandain Ballet Biarritzen zentro koreografikoan iraganen da balletean trebatuak diren ikasleentzako ikastaroa.

Irulegiko arnoa hobeki ezagutzeko eta gogoarekin dastatzeko besta heldu den asteburuan

Argitaratua: 6 ordu eta 38 minutu

Izpura eta Irulegiko herriek Irulegiko mahastien besta hartuko dute irailaren 11 eta 12an. Baxe Nafarroako arno ezagunaren sekretuak deskubritzeko eta besta giroan mahastiak bisitatzeko parada eskeinia da heldu den asteburuan. Herria Bizi elkarteak, Garazi-Baigorriko turismo bulegoak eta jatorri-izendapenaren barnean diren arno ekoizleen artean antolaturiko bestak gastronomia dantza eta kirolarekin elkartuko ditu.

EHZ jaialdia bilan ekonomikoa prestatzen ari da geroari buruzko hautua hartu aitzin

Argitaratua: 2010-09-02 13:46:28

Atzo arratsean EHZ festibalean lanean aritu ziren 75 laguntzaile bildu ziren hiru besta egunak nola joan ziren aztertzeko. Antolakuntzan lan egin zuten 14 lan-taldeetan dena «arras ongi» pasatu dela ziurtatu dio zuzendaritza taldeko kide den Eneko Gorrik KAZETA.INFOri. Alta, orain konplikatuagoa den bilan ekonomikoa ari dira prestatzen antolatzaileek: «Diru anitz galdu zen ostiralean eta dirua irabazi zen larunbata eta igandean, orain zenbat izan zen ikusi behar da eta konkretuki erakundeek zenbat emanen digute ostiraleko katastrofeari aurre egiteko». Bilan hori heldu den asteetan emanen da argitara eta anartean festibalaren jarraipena ez da ziurtatzen ahal, nahiz eta segitzeko «nahikeria biziki handia den».