«Hizkuntzari atxikimendua adierazi arren, alderdi guziek herritarrek informazioa euskaraz jasotzeko duten eskubidea urratu dute»

- 8 iruzkin

Nicolas MOLLO argazkia.

Martxoaren 14ean eta 21ean iraganen diren Eskualdeko Hauteskundeen karietara Kontseiluak eta Euskal Konfederazioak alderdien komunikazio euskarrien, proposamen eta adierazpenen neurketa burutu dute. Gaur Baionan agerraldia burutu dute lan horen emaitzak plazaratzeko. Orohar alderdi guziek hizkuntzari atxikimendua eraskusten badiote ere -11 zerrenden artean 2k salbu guziek estatus legal baten aldeko adierazpenak egin dituzte. Izan ere, «herritarrek informazioa euskaraz jasotzeko duten eskubidea alderdi guziek urratu dute ez dagoelako alderdi pakar bat ere euskarri denak elebiz gutxienez agitaratu dituenak».

Duela zenbait aste Euskal Konfederazioak eta Kontseiluak hiru eskaera zehatz luzatu zizkieten Pirinio Atlantikoetako eremuan gautagai gisa aurkeztu diten hautagaiei. Frantziako Gobernuari hitzeman legea galdegitea, euskara eta okzitaniera Akitania eskualdeko berezko hizkuntzak direla ofizialki aitortzea eta, askenik, Akitania Eskualdeko Kontseiluaren aurrekontuan %2a bi hizkuntza horien aldeko politika egokia eramateko engaiamendua hartzea proposatu zitzaien Euskal Konfederazioak eta Kontseiluak hautagaiei.

11 zerrenden gain hiruk erantzun dute zuzenean: Lutte Ouvrière, UMP eta Forces Aquitaine alderdiek, zain zuzen ere. Lehenak hiru eskera horiek ez dituela barneratzen bere egitarauan erantzun du, bigarrenak lehen bi puntuak onartu baina buxetari buruz ez du ezer aipatu eta hirugarrenak «nazio mailari daokionez, lge bat beharrezkoa dela» azaldu du.

Kontseiluko ordezkariek hautagaien komunikazio euskarriak, egitarauak eta fede aitorpenak eta adierazpenak aztertu ondoren hauxe azaldu dute: «Orohar, 11 zerrenden artean, 7k frantses hutsean banatu dituzte beraien komunikazio euskarriak, bakar batk orekaz erabili du euskara (EH Bai), beste batek euskara orekaz erabili du, nahiz eta frantses lehenetsi (Europe Ecologie) eta azkenak (PS) zertxobait erabili du».

Kontseiluarentzat «ohargarria da Euskadi Europan zerrendak salbu ez duela zerrenda bakar batek ere euskara erabili beren afitxetan».

Lau zerrendek argiki aipatu dituztela hizkuntzen estatusaren beharra eta legea: EH bai koalizioa, Europe Eclogie, Forces Aquitaine eta NPA. Lehenak ofizialtasuna aldarrikatzen du, bigarren koofizialtasuna proposatzen du eta zentristek estatus legearen beharra aipatzen du. Azkenik, NPAk Eskualdeak Euroituna izenpetzea proposatu du. FN, Front de Gauche, Aliance Ecologiste INdependente, LO, PS eta UMP zerrendek ez dute gai honen karietara aipamenik egin, «nahiz ete Alliance, Euskadi Europn, Front de Gauche, PS eta UMPk molde kausoan bada ere, hizkuntzahauen aberastasuna eta sustapen beharra aipatzen duten».

Laburbildurik, «alderdi guziek hizkuntzari atxikimendua erakusten diote eta gehienek estatus legal baten beharra aipatzen dute». Hitzetatik ekintzetara pasatzeko orduan, alta, bilana bestelakoa da. Kontseilua eta Euskal Konfederazioaren ustez, «herritarrek informazioa euskaraz jasotzeko duten eskubidea alderdi guziek urratu dute ez dagoelako alderdi bakar bat ere euskarri denak elebiz gutxienez argitaratu dituenak».

Egoera horen aitzinean, bai Kontseiluak bai eta Euskal Konfederazioak ere dei egin diete alderdi eta hautetsiei «herritarron hizkuntza-eskubideak bermatzeko haien komunikazioetan eta euskara normalizaziora eramango duten lege geriza eta ofizialtasunaren alde lan egin dezaten».