Barnekaldea zuritu ondoren, elurra kostaldeko bidean dugu jada

Argitaratua: 2 ordu
Komentariok - 0 iruzkin

Atzotik elurrak Nafarroa eta Zuberoko tontorrak zuritzen ditu. Iparlan, Gamartan ala Beorlegin mendiek ez ezik pentze anitzek kolore zuria harturik dute geroztik. Hotza handia eginen du. Irati mendian 11 gradu zero azpitik erregistratu dira azken gauean! Gaurkoan, elurra kostaldera heldu daiteke. Donibane-Lohizunen eta Urruñan, hala nola, elur fina azaldu da eguerdi huntan.

Cimadek elgarretaratzea deitu du misiolari afrikar baten atxiloketa salatzeko

Argitaratua: 3 ordu
Komentariok - 0 iruzkin

Hendaian kokaturik dagoen etorkinendako erretenzio zentroak etengabe berriak emanen ditu. Eta ez, preseski, berri onak. Azken asteotan etorkin familiak bere haurrekin atxiloturik zirela bertan salatu du Cimade-k. Gaurkoan, misiolari afrikar bat kanporatua izaiteko arriskuan dela ohartarazi du elkarteak.

Pauline Ado surfariak munduko txapelketa eskuratu du

Argitaratua: 4 ordu
Komentariok - 0 iruzkin

Pauline Ado surfari gazteak beste balendria egin du, 21 urte baino guttiagoko mailan munduko txapelketa eskuratu duelarik. ASP txapelketa Australiako Narabeen hondartzan jokatu da, eta bertan 18 urteko kirolari hendaiarrak Hawaiiko Bethany Hamiltonen aurkako norgehiagoka irabazi du.

Mauleko lanbide-heziketako lizeoan gaueko itxialdia egin dute irakasleek

Argitaratua: 3 ordu
Komentariok - 0 iruzkin

Gaur goizeko zortziretan amaitu da Mauleko Jean Pierre Champo lanbide-heziketako irakasleek eginiko gaueko itxialdia. Atzo 18.00 orenetan artu ziren ikastetxean eta bertan eman dute gaua. «Lanbide heziketak hiru urte barru jasango dituen aldaketekin ados ez gaudela salatzeko okupatu dugu lizeoa», azaldu du Jean Pierre Champo lizeoko irakasle Henry Gairinek.

FDSEA sindikatuak 2009-2013 urteko PAC-en erreformean kokatzen du erronka nagusia

Argitaratua: 4 ordu
Komentariok - 0 iruzkin

Donapaulen eginiko prentsa agerraldian, FDSEA sindikatuak 2008ko bilduma aurkeztu ondoan, urte berri honentzat markaturiko erronkak aurkeztu ditu. Hartan, 2009-2013 urte arteko PAC (Nekazaritzaren Politika Bateratua) delakoaren bermoldaketari arreta handia emanen dio sindikatuak, produkzioa eta laguntza ekonomikoen arteko oreka lortzear helburutzat hartzen du.

Israelgo Armadak NBEren eskola bi bonbardatu ditu Gazan, eta 53 palestinar hil ditu

Argitaratua: 2 ordu
Komentariok - 0 iruzkin

Nazio Batuen Elkarteak (NBE) Gaza hirian kudeatzen duen eskolan 400 bat pertsona dira, azken egunotan gertatu diren bonbardaketen ondorioz bertan aterpea bilatu duten errefuxiatuak gehienbat. Bart, Israelgo Armadak Asma izeneko ikastetxea bonbardatu zuen, erasoaren ondorioz hiru pertsona hil direlarik. Gaur, NBEren salaketari muzin eginez, beste eskola bat bonbardatu du. Orotara 53 palestinar hil ditu.

FR3 Euskal Herri-ko langileek greba eguna dute gaurkoa

Argitaratua: 2009-01-05 11:34:07
Komentariok - 0 iruzkin

Astelehenaz geroztik Frantziako telebista publikoetan ez da gehiago iragarkirik gaueko 20:00etatik eta goizeko 6:00ak arte. Erreforma horrek mota askotariko eraginak izanen ditu. Hartara, France3 Euskal Herri-ko langileak greban sartu ziren egun horretan eta asteazken honetan ere lanuztea burutzen dute. Zuzendaritzak aurreikusten dituen ordutegi aldaketek kalte egiten diotela berri lokalak jorratzen duen emankizunari salatu dute langileek.