Jon Anza kolektiboak auzia argitu arte lanean segitzen duela berretsi du Funosasek Baionako polizi etxean

Argitaratua: 3 ordu eta 04 minutu

Anaiz Funosas Askatasuneko ordezkaria arratseko ordubietan Baionako polizi etxean sartu da. Hiruak eta erdiak baino lehen komisaldegitik atera da Jon Anzari Ziburun eginiko omenaldiari buruz galdezketa burutu ondoren. Ekitaldi horretan hiru ETA kidek egin zuten "aurreikusia ez zen hitzartzea"ri buruz galdetu diote baina Funosasek Poliziari azaldu dionez "hori ez dela benetako arazoa, arazoa da 19 hilabete igaro ondoren Anzaren desagerpen eta heriotzari buruz erantzunak ez ditugula".

Sindikatek erretreten erreformaren aurkako manifestaldi jendetsu bat espero dute asteartean Baionan

Argitaratua: 2 ordu eta 54 minutu

Langile sindikatek Frantziako erretreten erreformaren aurkako manifestaldi eta greba bat antolatzen dute irailak 7an asteartearekin. Iparraldean manifestaldia Baionan gertatuko da jakinez hitz ordua 10.30etan finkaturik dela Sainte Ursule plazan. Erran gabe doa sindikatuek jende askoren mobilizazioa espero dutela. Joan den Baionako ekainaren 24ko manifestaldian 10 000 bat lagun bildu ziren.

ETAk atentatuak ez egiteko erabakia hartu du eta «egoera berriari» erantzuteko deia luzatu du

Argitaratua: 2010-09-05 13:18:51
Komentariok - 4 iruzkin

Euskadi Ta Askatasunak urrats berria eman du badirela hilabete batzuk «eraso ekintza armatuak» ez egitea deliberatu duela baieztatuz. BBCk igande eguerdian bere webgunean jaso duen adierazpen batean nazioarteko bitartekaritza eskaintza aitzat hartu du erakunde armatuak eta euskal eragilei «egoera berriari» erantzuteko eskaera luzatu die. «ETA prest dago, gaur atzo bezala, Espainiako gobernuak borondatea izanez gero, prozesu demokratikoa abiarazteko beharrezkoak diren gutxiengo demokratikoak adosteko» gaineratu du ETAk komunikabide nagusiek berehala jaso duten agirian. Irakurri hemen 2010eko irailak 5ean, igandearekin, ETAk plazaratu duen adierazpena.

Gaztetxearen aldeko aldarrikapena Urruñako Bixintxo bestetan

Argitaratua: 7 ordu eta 54 minutu

Urruñako herritarrak Bixintxo bestetan ospatzen ari dira. Bestak larunbatean hasi ziren ohiko herri lasterketarekin. 200 gora partaide izan ziren jende anitzen begiradapean burutu zen kirol ekimenean, horien artean gaztetxearen aldeko aldarrikapena zabaldu nahi izan zuen gazte talde bat. Bestak abiatu aitzin ez ohiko gertakari larria izan da Urruñan: herriko gazte batzuk oren batzuk eman dituzte polizi etxean, joan den ostegunean, auzapezaren gazteluaren eremuan protesta baino broma itxura zuen ekimen bat burutu ostean.

Egoera larrian diren laborariak laguntzeko bolondresak uzta biltzera deitzen ditu SOS Indartuk

Argitaratua: 8 ordu eta 56 minutu

Zailtasunean diren Laborarien Laguntzarako Elkartea den SOS Indartuk irailaren 11an Ezpeletako biperra bolondres gisa biltzera joateko deia luzatu du. Ezpeletako biperraren jatorri izendapenaren sindikatuarekin elkarlanean heldu den asteburuan bilduko den piper kilo bakoitzeko 0,35 euro laborariak laguntzeko izanen da.

Ehunka lagun elkartu dira Lapurdiko hiriburuan antolaturiko xenofobiaren aurkako ekimenean

Argitaratua: 2010-09-05 15:58:06

Larunbatean mobilizazioak egin dira Estatu frantziarreko hiri nagusietan Sarkozyk errumariar jatorrizko ijitoak kanporatzeko erabakiaren kontra protesta egiteko. 50 bat elkartek deitu duten mobilizazio horietan ez dira apenas ijitoak azaldu, heldu den irailaren 15ean ekimen propioa burutuko dutelako Parisen. Ehunka lagun elkarretaratu dira Baionan kolektibo horren pairatzen duen mespresua salatzeko.

CRAC kolektiboak zezenketek Baionako Herriko Etxearen eskutik jasotzen dituzten diru laguntzak salatu ditu

Argitaratua: 2010-09-05 15:47:34

Katalunian zezenketen kontra eman den pausoa nabarmenduz, Baionako CRAC kolektiboak (Comité Radicalement Anti Corrida) borroka horren aldeko dinamika garatu nahi du Ipar Euskal Herrian. Elkarteak zezenketen kontra argitara eman duen agiria hiru lurraldeetako 200 pertsona ezagunek sinatu dute jada. Asteburuan Baionan iragan den den Atlantikoko feria dela-eta, zezenketei buruzko eta jasotzen dituzten diru laguntzei buruzko informazioa azalduz 10.000 esku-orri banatu ditu elkarteak.