Aralarren jarrera ulertzekoa da Iñaki. Beldurrak eragindako jarrera da. Prozesua aitzina joaten ikustearen beldurra. Batasunak baldintza demokratikoetan lehia politikoan parte har badezake, Aralar desagertzera kondenatua da, Batasunaren ilegalizazioak eman diolako indarra.
Maleruski bide okerra hautatu du. Bere jarrerarekin, bere heriotza siñatzen ari da. Nafarroan egiten ari denarekin adibidez, sinesgarritasun guzia galtzen ari da.

Maitena eta Lizardi, horrelakoetan hasten zaretelarik, nazka ematen duzue. Horrela ez goaz inora. Abertzale aunitz gaude bien mezuetatik urrun. Utzi sektarismoa biek (eta zuek bezala pentsatzen dutenek) eta ekin dezaiogun elkarrekin Herri hau aurrera ateratzeko, eta etorkizun askea irabazteko. Badago zer eginik txoro-kalakan aritu beharrean.
Zuek ematen dituzuen mezu horiekin ez goaz inora. Beraz, asto gorotza bientzat.

Ezker Abertzalea anitza denik ezin uka. Politika segitzen duen orok badaki hori. Egungo egunean Hegoaldean 4 adar/sentsibilitate (Batasuna ohia, Aralar, EA, Alternatiba) ditu eta Iparraldean 3 (AB, Batasuna, EA). Laburbilduz Batasuna ohia eta Aralar Hegoaldean eta Batasuna eta AB iparraldean akomeatuko direlarik Ezker Abertzale osoa bilduko lukeen indar politikoa sortuko da. Ez aitzin ordea. Bi aldeen arteko ezberdintasun nagusiak dira besteak beste :

- helburuen ardiesteko baliatzen edo gutienez onartzen diren baliabideena hau da borroka armatuarena, "gure" bortizkeriarena
- gainerateko alderdiekin aliantzak egiteko irizpide-sortarena (Nafarroan Abertzale bai bainan eskuineko alderdi batekin (EAJ) joan ? Iparraldean Ezkerreko eta BATERAzalea bai bainan Abertzalea ez den alderdi batekin (Europe-Ecologie-les Verts) joan ?
- hiru erabaki eremuaren (EAE/Nafarroa/Iparraldea) printzipioarena (printzipio erraiten dut praktikan denek onartzen baitute) eta ondorioz erritmo ezberdinen onartzearena
- mugimenduaren estrategiak eta taktikak finkatzeko tenorean gardentasun osoz jokatzea eta pertsona bat boz bat printzipioa praktikatzea.

4 gai horier buruzko ikusmoldeak ez dira mirakuluz hurbilduko, luzaz mintzatu beharko da eta hein guzietan (zuzendaritzen zein oinarrien artean). Ikuspegiak hurbiltzea, bateratzea beharrezkoa denik gutik dute zalantzan ezartzen. Has diten, has giten.

P.S : sentsibilitate bateko batek beste sentsibilitateko ikusmoldeak, hautuak, jarrerak publikoki kritikatzen dituelarik (hemen bezala) beste sentsibilitatekoak arrapostua emaiterat bortxatuak dira, ez balute egiten bien artean ibiltzen direnek arrazoia mintzatu denari emanen luketeelako segur aski. Beraz 2 proposamen inozo alegiazko bateratze bat errexteko :
- bere sentsibilitatea partekatzen dutenek kritika dezatela lehen harria botatu duen hori.
- bien artean ibiltzen direnek oroitaraz dezatela elkarlana edo gutienez eraso eza baitezpadakoa dela.

Mattin, noiztik EA eta Alternatiba Ezker Abertzalearen parte dira ?
(AB eta Aralar aipatu gabe)

Deia neretzat ez dutela deus ezkerretik.
Ta Batasunak egunero guttiago.

Ale, gora demokrazia, gora Maitia ta Egiguren.

Iker, erritmo ezberdinen beharra denek onartzen badugu hainbat hobe. Barkatu nire beranta.
Haatik hiru erabaki eremuarena denek berdin ulertzen dugun dudak baditut. Nik uste NaBai Nafarroako bigarren indarra bilakatu bada da hein haundi batean Nafarzalea delakotz eta hango hauteslegoak hala ikusten duelakotz. Koalizioa Abertzalea izanik ere argi eta garbi uzten du Nafartarrek dutela azken hitza ukanen. Horri esker dute PSN baino boz gehiago eskuratu eta horri esker dute azken urteetako UPN-ren hegemonia kolokan ezarri. Auzi horri buruz gehiago jakin nahi duenak Aingeru Epalza-k idatzi "bezperaren bezpera" irakurtu dezala.

Akort naiz zurekin erraiteko Abertzale guziak ezin girela hauteskundeetarat "denak batera" joan. Munduko gainerateko lurralde kasik guzietan bezala eta Europako erresuma guzietan bezala ezkerra/eskuina bereizketa beharrezkoa da. Adibidez eskuineko eta ezkerreko zerga politikak uztartezinak dira eta eskuarkiago gai sozioekonomikoetan ikuspegi ezkontezinak.

Akort naiz ere erraiteko hautuak publikoki asumitu behar direla. Nor ez da ados ?

Erreformistekin kokoteraino, norbait aurkezten bada erranez ezkerrekoa dela ni ez naiz nehore erraiteko gezurra dela. AB-k bezala EA-k bere webgunean "parti de gauche" ezartzen du. EA-k Alternatibak eta Batasunako ohikoek "Euskal Herria Ezkerretik" akordioa sinatu berria dute. Bestalde Alternatiba bezalako mugimendu bat ez bada ezkerrekoa Euskal Herrian ezkertiar guti izan behar da. Aralar "ezkerroa eta abertzale" gisa aurkezten da. Huna zendako indar politiko horiek Ezker Abertzalearen eremuan kokatzen dituztan hau da Ezkertiarrak eta Abertzaleak diren jende multzoan.

Maitia eta Egigurenen aipamenak azken mezuan aipatzen nuen aliantzen irizpide-sortarenaren auzirat eramaiten gaitu. Euskal Herriko eremu ezkertiar eta abertzaleenean ere, hau da Gipuzkoan ere, Ezkertiar eta Abertzaleen multzoa gehiengo absolututik urrun da (nunbait han %35 azken inkestaren arabera) beraz aginte makila hartu nahi badu beharko du beste norbaitekin aliatu edo gutienez parioa egin PSE eta EAJ ez direla elgar akomeatuko. Bizkaian, nun 10 bozkatzaileetatik 4ek baino gehiagok EAJ-ko bozka papera hautesontzian ezartzen duten, zer ? Nafarroan, nun UPN jaun eta jabe den, zer ? Iparraldeko Herriko Etxe nagusietan (Baiona, Angelu, Biarritz, Hendaia, D. Lohizune, Uztaritze e.a) aliantzarik gabeko garaipena noizko zuen ustez ?

Bihar berdin ez bainan egungo egunean aginte makila hartu nahi dutenentzat aliantzak beharrezkoak dira. Aliantzak egiteko irizpide-sorta argi bat, funtsezko aldarrikapenak eta negoziagarriak diren punduak berexiz, oraino beharrezkoagoa.

Bururatzeko beste erresumetan bezala Euskal Herrian ere aginte makila hartzeko gogorik ez dutenek badira eta beste lekuetan bezala zilegi da. Ikerrek erraiten duen bezala "Ni ez naiz hasiko onak eta txarrak bereizten. Bakoitzak egin behar du bere hautua. Baina eskatzen dudana da egiten diren hautuak publikoki asumitzea, gezurrik ez erratea".

Besarkada bat deneri

Egia hauteskundeak borroka alor bat baizik ez dela eta badirela beste ainitz. Oroitaraztea inportantea da. Hauteskundeetan eskuratu sustenguak gauzak aitzinatzeko errexten duen zilegitasuna emaiten du. Ez da guti hala ere.

Euskal Abertzaletasunak bere osotasunean erabaki eremuaren auzia ez duela oraino trenkatua pentsatzen segitzen dute Nafartar euskaldun batzuek : http://www.noticiasdenavarra.com/2011/01/25/opinion/columnistas/mugatik/upn-tiene-razon

Ez dela normala ezkerreko alderdi bat eskuineko alderdi batekin joaitea. Greba orokorra bezperan oraino anormalagoa.

Alternatibak, EA-k, Batasunak eta Aralarrek Hego Euskal Herrian bihar antolatua den grebarat deitu dute. Alternatibak entzun nahi duenari errepikatzen du Euskal Herriko Ezker indartsu bat osatu behar dela eta hala gertatuz geroz ez lukeela bizirik irauteko arrazoinik. Aralarrek behin eta berriz errepikatzen du eremu Ezkertiar eta Abertzale bakar bat osatu behar dela. Batasunak eta EA-k elkarlan hitzarmenak luma higatzeraino izenpetzen dituzte. Bateratzea ondoko hilabeteetan gauzatuko den ala ez ez dakit bainan orain ez bada egiten luze gabe eginen da.