Luhusoko Harri Xuri kultur gelaren egitarau hurbila
Luhusoko Harri Xuri kultur gelako datozen bi emanaldiek zirkoa ukanen dute gai nagusitzat. Lehenean, otsailaren 4an larunbatez, Bord de Piste konpainiaren antzeztutako zirko "Est-ce que tu m'aimes ?" ( Maite al nauzu? ) ikuskizuna proposatuko da 17:00 eta bigarrenean, otsailaren 17an ortziralez 20:30tan Dr Troll-ek magia emanaldi bat eskainiko du.
Ihauteriak hor dira neguko hotzaren ostean udaberria helduko dela igurikatzeko
Zirtzilak, kaskarrotak, mairuak, zanpantzar eta gainerako pertsonaiak prest dira gure herriko bazterrak girotzeko. Donibane Garazi edo Donapaleun Santibate ospatzen dute asteburu honetan eta ondorengoan Libertimendua. Uztaritzen, berriz, Hartzaro festibalak iragartzen du ihaauteria edo Donibane-Ziburun Sorgin Gaua. Neguko hotzaren ostean udaberria helduko dela iragartzeko prest gainean da ihauteria.
Urruñako Ikastolaren aldeko kontzertua ostiral honetan
Urruñako Ikastolak 106 ikaslekin egin du 2011-12 kurtsoaren sartzea. Urtarrilean sartu berri diren ttikiekin kontatuz, 110 haur izanen dira ikasturtearen amaieran badira hamar urte dozena bat haurrekin abiatu zen eskolan. Ikasleen kopurua handitzeari aurre egiteko lanak burutu berri dituzte. Horiek ordaintzeko hainbat ekimen martxan dira. lehenbiziko hitzordua, gaur, otsailaren 3an, antolatu kontzertuan.
Facebookek "Sexual Herria" liburuaren azala zentsuratu du
Txalaparta argitaletxeak prentsa ohar baten bidez azaldu duenez Facebookek Itziar Zigaren Sexual Herria liburuaren azala kendu du, dirudienez, sare sozial hori kudeatzen duen enpresaren arauak hausten dituelako. "Zoritxarrez, ez da zentsura mota hau jasaten dugun lehen aldia: antzeko zerbait gertatu zitzaigun Diana J. Torresen Pornoterrorismo liburuaren aurkezpenaren bideoarekin. Duela bederatzi hilabete Youtubetik kendu zuten antzeko arrazoiak argudiatuz" azaldu du argitaletxeak. Aipatu bi kasuetan, soil-soilik emakumezkoen titiak daudela ikusgai azaldu du argitaletxeak.
Donapaleuko Otsail Ostegunak berritz hasten dira
Aurten ere, Zabalik elkarteak Otsail Ostegunak deitutako mintzaldi zikloa bideratuko du Donapaulen. Hilabeteko lau ortzegunetan honako gaiak jorratuki dituzte: gizartearen eragina uraren kalitatea; Nafarroako erresumaren sortzea; Jean Pitrau xiberotar laborari sindikalistaren ibilbidea eta Gartxot marrazki bizidun luzemetraia. Lehen bi hitzaldiak Donapaleuko herriko zerbitzugunearen gibeleko gelan eta beste biak Postaren gibeleko Hitzargi gelan iraganen dira 20:30tan.
Zinemaldiak atzera begirakoa eskainiko dio Georges Franju zuzendari bretoiari
Georges Franju (1912-1987) jaio zela ehun urte betetzen direnean, Zinemaldiak atzera begirakoa eskeiniko dio zuzendari bretoiari. Zikloak Quim Casasek eta Ana Cristina Iriartek koordinatutako liburu bat ere izango du. Franju zinemagilea Estatu frantseseko zinemagintzan pisuzko irudia izan zen. Henri Langlois eta biek Zinemateka frantsesa sortu zuten 1936an.
FIPA 2012: Gerard Mordillat-en "Les cinq parties du monde" lanak jaso du sari nagusia
Iragan larunbatean ditu ateak FIPAk, Biarritzeko ikus-entzunezkoen nazioarteko jaialdiak. Fikzioan, Gerard Mordillaten "Les cinq parties du monde" izan da Urrezko Fiparekin saritua, eta saioen atalean, "Kaboul Kitchen", Frederic Berthe, Jean-Patrick Benes eta Allan Mauduit-en lana nabarmendu du epaimahaiak.
Baionako mediatekak euskal herritarren eta lurraren arteko harremana gai nagusitzat ukanen du otsaileko ekimenetan
Otsailean zehar, Baionako mediatekak ekimen ugari antolatuko ditu "Euskal Herria: lurra eta gizakia" gaiaren inguruan. Erakusketak, filmen proiekzioak, idazle batzuekin topaketak, Philippe Etchegoyhen, Jean-Daniel Larribau edo Claude Labat bezalako adituekin mintzaldiak edo haurreri zuzendutako hainbat animazioa izanen dira gizakia eta haren inguramenaren arteko harremanen garrantziaz ohar gaitezen.
Euskal Herria eta diaspora uztartuko ditu Jean Darrigol zuzendari lapurtarrak "Ainara" filman
Euskalkultura.com webguneak plazaratu duenez, Jean Darrigol zuzendari lapurtarrak eta euskal zinemazale talde batek abian jarri du 'Ainara' filmea sustatzeko ekimena. Lau hizkuntzez eginen duten luzemetraiak AEBetan hazitako neska gazte batek etxera bueltan, Ipar Euskal Herrian, bizi duen maitasun istorioa azalduko du. Oihana Maritorena (Ainara) aktore euskalduna, Tomas Arana (Aitor) aktore euskal-amerikarra ('Gladiator', 'L.A. Confidential') eta Nicolas Cazalé (Ugo) frantziarra ('Caótica Ana') izango ditu protagonista. Filme honetan parte hartu nahi dutenek aukera ezberdinak dituzte. Ondoko lerrotan azalpenak.
Zuberoako ikastoletako ikasle ohiek Maskarada egiteko urratsa eman dute
Hasieran, Gamere-Zihigak egin behar zuen negu honetan maskarad. Ezbehar bat tarteko, xedea bertan behera gelditu zen. Ondoren, Santa Graziko herritarrek urratsa eman zuten maskarada antolatzeko baina handik guttira proiektua baztertu behar izan zuten. Azken iragarpena Ipar Euskal Herriko Hitzaren bitartez ezagutu dugu, Zuberoako ikastoletako ikasle ohiek apirileko bost igandeetan maskarada eskainiko dutela erabaki dute. ( Ipar Euskal Herriko Hitzan argitaraturiko artikulu osoa hemen ). ( Entzun Bettan Bordagaray eta Joanes Etxebarria Ikastolako ikasle ohiak eta maskaradaren builtazaleak Xiberoko Botzan )
