Dantza Hirian eskeintzen duen festibalaz gain hiru master class ere antolatu ditu
Lapurdi eta Gipuzkoa artean egiten den Dantza Hirian festibala irailaren 16 eta 26aren artean iraganen da. Bi lurraldeetako zortzi herritan eginen dira dantza emanaldiak eta hiru master class eskeiniko dira urririk irailaren 18, 25 eta 26an. Lehena Donostian eginen da eta azkena Errenterian. Irailaren 25ean Malandain Ballet Biarritzen zentro koreografikoan iraganen da balletean trebatuak diren ikasleentzako ikastaroa.
EHZ jaialdia bilan ekonomikoa prestatzen ari da geroari buruzko hautua hartu aitzin
Atzo arratsean EHZ festibalean lanean aritu ziren 75 laguntzaile bildu ziren hiru besta egunak nola joan ziren aztertzeko. Antolakuntzan lan egin zuten 14 lan-taldeetan dena «arras ongi» pasatu dela ziurtatu dio zuzendaritza taldeko kide den Eneko Gorrik KAZETA.INFOri. Alta, orain konplikatuagoa den bilan ekonomikoa ari dira prestatzen antolatzaileek: «Diru anitz galdu zen ostiralean eta dirua irabazi zen larunbata eta igandean, orain zenbat izan zen ikusi behar da eta konkretuki erakundeek zenbat emanen digute ostiraleko katastrofeari aurre egiteko». Bilan hori heldu den asteetan emanen da argitara eta anartean festibalaren jarraipena ez da ziurtatzen ahal, nahiz eta segitzeko «nahikeria biziki handia den».
Brasil eta Kolonbia, Biarritzeko Latinoamerikako jaialdiko protagonistak
Latinoamerikan kultura arloan dauden berrikuntza eta aldaketen isla izango da aurten ere Biarritzeko jaialdia. Irailaren 27an hasi eta urriaren 3an amaituko da festibala eta izanen diren berrikuntzak ezagutzera eman ditu Marc Bonduel zuzendariak, aurtengo egitaraua aberatsa izanen dela esanez. Lehiaketan izango diren filmen zerrenda guztiz finkaturik ez badago ere, aurtengo edizioan zinemagile gazteak nagusituko direla jakinarazi du Bonduelek. Luis Sepulveda idazle txiletar ezagunarekin literatur topaketak antolatu dira festibalaren baitan.
Euskal etxea deskubritzeko parada Donapaleuko mediatekan
Oraindik jendearen bizitoki diren baserri edo etxaldeen argazkiak deskubritzen ahal dira, nahiz eta oraindik erabiliak izan horietarik gehienak mendeak dira altxatuak izan zirela" adierazi du Amikuzeko mediatekako arduradunak.
Donibane Garaziko argazki Biltzarrak kanpoko gazteak ere erakarri ditu
Argian elkarteak antolatzen duen argazki Biltzarrak 18. edizioa betetzen du aurten. Ipar Euskal Herriko argakilaritza lehiaketa garrantzitsuenak "mahastia eta arnoa" nahi izan ditu irudikatu aurtengoan. 165 parte hartzaileek igorri dituzten argazkietarik herena aukeratu du epaimahaiak. Irailaren 4tik 19ra Donibane Garaziko Apezpikuen Presondegian eginen den erakusketan parte hartuko dute aukeratu obrek.
Festibalek udaren koloreekin jantziko dute Euskal Herria
Udan mota eta kolore guztietako festibalekin janzten da Euskal Herria. Dantza, kantua, antzerkia, musika... Kirolekin lotura duten festibalek ere izaten dute bere tokia gure artean, bereziki irristaren kirolari loturikoak, besteak beste Rip Curl Biarritzek surfari lotua eta hiri berean egiten den Festilasaik skaterekin. Ohitura zaharrei begiratu bat ematen dietenak ere badira eta horrela Donibane Garazin eginen den euskal ezkontza tradizionalak besta egiteko parada eskeiniko du. Kanbok antzerkiaren aniztasunari loturiko eskeintzak ekarriko ditu aurten ere.
Betiko euskal etxea deskubritzeko parada Donapaleuko mediatekan
"Euskal Herriko baserriak" izena daraman erakusketa agorrila guztian zehar, irailaren 3rarte, ikusgai izanen da Donapaleuko mediatekan. Zazpi probintzietako etxeen argazkiak eskeintzen dituen muestra honi esker betiko euskal etxea deskubritzeko parada eskeintzen zaio bisitariari. Pedro Maria Basañez arkitektoak eginiko etxe zaharren argazkiak formato handian aurkeztuak dira.
Bidasoafolk jaialdia txalaparta tradizionaletik soinu afrikar eta zeltetara ibiliko da jauzika
«Hiru hiri, bi historia, kultura bat» lema du aurten hamargarren edizioa betetzen duen Bidasoafolk jaialdiak. Txingudi badian zehar, munduko musikak eta kulturak nahastuko dira hiru egunetan. Agorrilaren 20tik 22ra Hendaia, Hondarribia eta Irungo hirietan musika aberatsek bertako paisaia ederrekin eginen dute bat.
Arrangoitze eta Biarritz artean ospatzen ari den Piano Klasikoa festibala arrakastaren izarpean
Astelehenarekin hasi zen Piano Klasikoa festibalaren lehen edizioa arrakastaren izarpean ari da musika zabaltzen. Lehen egunean Biarritzeko Bellevue zabalgunean 600 pertsona bildu ziren hiru ordutako kontzertua entzutera. Gaur izanen da bigarren gaualdia, kostaldeko hiriko Palais hotelean izanen da oraingoan. Bizjak ahizpen animatuko dituzte pianoaren soinuak entzutera hurbilduriko musika maitaleak. Agorrilaren 9a bitarte beste eskeintza harrigarriak prestatu dituzte antolatzaileek gune ezberdinetan.
Kultura deskubritze-tailerrak antolatu dituzte aurten ere Hendaian
Uda honetan bigarren aldikotz, Hendaiako Herriko Etxeko Kultura eta Euskara zerbitzuek nahi dutenei euskal kultura eta ondarea beste molde batez ezagutzea proposatzen die: praktikatuz! Deskubritze-tailerrei esker, Hendaiarrek zein kanpokoek 5 kultur jarduera frogatzeko aukera ukanen dute, abuztuaren 19ra arte. Eskainitako gaiak anitz dira: txalaparta, kale antzerkia, euskal kantuak eta dantzak, edota arte plastikoak.
